برن (فلسطین نیوز۔مرکز اطلاعات) یورپی ملک سوئٹرزلینڈ میں سول سوسائٹی کی اپیل پر ہزاروں افراد نے امریکی صدر ڈونلڈ ٹرمپ کی طرف سے بیت المقدس کو اسرائیل کا دارالحکومت قرار دیے جانے کے خلاف احتجاجی جلوس نکالا۔
فلسطین نیوز کو موصول ہونے والی اطلاعات کے مطابق سوئٹرزلینڈ کے شہر برن میں گذشتہ روز بڑی تعداد میں شہریوں نے جمع ہو کر امریکی صدر کے ’اعلان القدس‘ کےخلاف احتجاج کیا۔عینی شاہدین نے بتایا کہ گذشتہ روز 15 مختلف انسانی حقوق اور سماجی بہبود کی تنظیموں نے متفقہ طورپر امریکی صدر کےاعلان القدس کے خلاف احتجاجی مظاہرہ کیا۔ مظاہرین میںÂ سوئٹرزلینڈ میں مقیم فلسطینیوں، عرب شہریوں اور مسلمانوں کی بڑی تعداد نے بھی شرکت کی۔
مظاہرین نے ہاتھوں میں بینرز اور کتبے اٹھا رکھے تھے جن پر فلسطینیوں کے حقوق بالخصوص حق خود ارادیت کی حمایت اور امریکی صدرڈونلڈ ٹرمپ کے اعلان القدس کے خلاف نعرے درج تھے۔
مظاہرے سے برن شہر کے سابق میئر باڈن جیری مولر اور فلسطین، سوئس فرینڈشپ آرگنائزیشن کے چیئرمین اور دیگر رہنماؤں نے بھی خطاب کیا۔ انہوں نے حکومت سے مطالبہ کیا کہ وہ فلسطینی ریاست کو تسلیم کرنے کا باضابطہ اعلان کرے۔