مقبوضہ بیت المقدس (فلسطین نیوز۔مرکز اطلاعات) اسرائیل کے عبرانی ذرائع ابلاغ میں بتایا گیا ہے کہ فلسطین میں قائم ایک فوجی اڈے پر تعینات فوجی اہلکار آپس میں لڑ پڑے جس کے نتیجے میں 11 اہلکار زخمی ہوئے ہیں۔
فلسطین نیوز کو موصول ہونے والی اطلاعات کے مطابق عبرانی نیوز ویب پورٹل ’والا‘نے جمعہ کے روز ایک خبر میں بتایا کہ جنوبی فلسطین میں عراد کے مقام پر واقع ایک فوجی اڈے پر تعینات فوجیوں میں لڑائی ہوئی۔ فوجیوں میں جھگڑا اس وقت ہوا جب وہ حشیش کھا رہے تھے۔ لڑائی کے نتیجے میں 11 اہلکار زخمی ہوئے ہیں جنہیں علاج کے لیے بئر سبع شہر میں واقع سوروکا فوجی اسپتال منتقل کیا گیا ہے۔اسرائیل کی ملٹری پولیس نے واقعے کی تحقیقات شروع کردی ہیں۔ آرمی چیف نے اس واقعے کو فوج کے لیے شرمناک قرار دیا ہے۔ ان کا کہنا ہے کہ وہ مذکورہ فوجی اڈے کے افسران پر سخت پابندیاں لگائیں گے۔