نابلس (فلسطین نیوز۔مرکز اطلاعات) تنظیم آزادی فلسطین کے رکن اور سرکردہ فلسطینی رہنما نابلس کے سابق میئر اور قانون دان ایڈووکیٹ غسان الشعکہ گذشتہ روز انتقال کرگئے۔ ان کی عمر 75 سال تھی۔
فلسطین نیوز کو موصول ہونے والی اطلاعات کے مطابق الشعکہ کئی سال سے بیمار تھے۔ حالیہ ہفتوں کے دوران ان کی صحت زیادہ بگڑ گئی تھی۔ گذشتہ روز ان کے اہل خانہ کی طرف سے الشعکہ کی وفات کا اعلان کیا گیا۔غسان الشعکہ تنظیم آزادی فلسطین کے سرکردہ رکن اور فلسطینی قانون ساز کونسل کے رکن رہ چکے ہیں۔ وہ دو بار نابلس شہر کے فلسطینی میئر بھی مقرر ہوئے۔ اس کے علاوہ فلسطینی لوکل الائنس کے چیئرمین اور لائرز فورم کے تین بار سربراہ رہے۔
غسان شعکہ کو کل جمعہ کو ان کےآبائی شیر نابلس میں سپرد خاک کیا گیا۔ ان کی نماز جنازہ میں سرکاری اور عوامی شخصیات سمیت بڑی تعداد میں عام شہریوں نے بھی شرکت کی۔