وادی اردن (فلسطین نیوز۔مرکز اطلاعات) فلسطین کے مقبوضہ وادی اردن میں کل بدھ کو اسرائیلی فوج نےÂ ’جفتلک‘ کے مقام پر ایک فلسطینی شہری کا مکان مسمار کردیا۔
فلسطین نیوز کو موصول ہونے والی اطلاعات کے مطابق مقامی فلسطینی ذرائع کا کہنا ہے کہ بدھ کو اسرائیلی فوج نے وادی اردن کے وسط میں جفتلک کالونی میں چھاپہ مار کارروائی کے دوران ایک فلسطینی شہری کا مکان یہ کہہ کر مسمار کردیا کہ اس نے مکان کی تعمیر سے قبل صیہونی انتظامیہ سے اس کی اجاز حاصل نہیں کی تھی۔ذرائع کے مطابق اسرائیلی فوج نے بلڈزروں نے مسلح فوجیوں کے ہمراہ فلسطینی شہری کے مکان کا محاصرہ کیا۔ گھر میں موجود سامان اٹھا کر باہر پھینک دیا گیاÂ جس کے بعد بلڈوزر کی مدد سے مکان مسمار کردیا گیا۔