تہران (فلسطین نیوز۔مرکز اطلاعات) عالمی امور میں رہبر انقلاب اسلامی کے مشیر ڈاکٹر علی اکبر ولایتی نے کہا ہے کہ فلسطین کا مسئلہ آج بھی عالم اسلام کے مسائل میں سر فہرست ہے۔
تہران میں ایک پریس کانفرنس سے خطاب کرتے ہوئے ڈاکٹر علی اکبر ولایتی کا کہنا تھا کہ بیت المقدس کو اسرائیل کا دارالحکومت تسلیم کرنے اور سفارت خانے کی منتقلی کے امریکی اعلان کے بعد، سامنے آنے والے رد عمل سے پتہ چلتا ہے کہ پوری دنیا اور خاص طور سے مسلم امہ اس معاملے پر بہت حساس ہے۔انہوں نے کہا کہ امریکہ کی جانب سے دھمکیوں اور دباؤ کے باوجود جنرل اسمبلی نے بھاری اکثریت سے فلسطین کے حق میں قرارداد منظور کی ہے جس سے امریکی فیصلے کی مخالفت کی نشاندہی ہوتی ہے۔
انہوں نے کہا کہ امریکہ، سلامتی کونسل کے کسی بھی رکن ملک کو اپنے ساتھ ملانے میں ناکام رہا ہے اور یہ، امریکہ کے عالمی اثر و رسوخ میں کمی کی علامت ہےْ