فلسطین میں غیرمعمولی خشک سالی، ماہرین حیران، عوام پریشان!

رام اللہ (فلسطین نیوز۔مرکز اطلاعات) فلسطین میں سردیوں کے موسم میں خوب بارشیں ہوتی ہیں اور پہاڑی علاقوں پر برف باری ہوتی ہے مگر رواں سال کے موجودہ سیزن میں ابھی تک بہت کم بارشیں ہوئی ہیں۔ جو فلسطین کا تقریبا  60 فی صد علاقہ بارشوں سے محروم ہے جو خشک سالی کا شکار ہے۔

فلسطین نیوز کو موصول ہونے والی اطلاعات کے مطابق فلسطینی ماہر موسمیات عاصم عصیدہ کا کہنا ہے کہ سردیوں کا موسم خوب بارشوں کے حوالے سے مشہور ہے مگر رواں سال ابھی تک صرف15 فی صد بارشیں ہوئی ہیں۔ وہ موسم میں آنے والی اس حیران کن تبدیلی پر پریشان ہیں۔ گذشتہ تین ماہ میں صرف 30 فی صد بارشیں ہوئیں۔

عصیدہ کا کہنا ہے کہ یہ غیرمعمولی اورغیرمسبوق کیفیت ہے۔

ان کا کہنا تھا کہ نابلس کے علاقے میں سالانہ بارشوں کا تناسب 650 ملی میٹر ہوتا ہے جب کہ رواں سال موسم سرما میں صرف 60 ملی میٹر بارشیں ہوئی ہیں۔

ماہر موسمیات کا کہنا ہے کہ اگرآنے والے ایام میں بھی بارشیں نہیں ہوتیں تو اس کے نتیجے میں اگلا پورا سال خشک سالی کی نذر ہوسکتا ہے۔ موسم بہار کی آمد آمد ہے اور اگر اس سیزن میں بارشیں نہ ہوئیں تو اس کے نتیجے میں زیرزمین پانی سطح اور نیچے چلی جائے گی جب کہ چشمیں بھی خشک ہو جائیں گے۔