مقبوضہ بیت المقدس – (فلسطین نیوز۔مرکز اطلاعات) اسرائیل کے عبرانی زبان میں نشریات پیش کرنے والے ریڈیو نے اپنی رپورٹ میں دعویٰ کیا ہے کہ امریکا کی طرف سے مقبوضہ بیت المقدس کو اسرائیل کا دارالحکومت قرار دینے کے بعد بعض دیگر ممالک بھی اس میدان کود پڑے ہیں۔
فلسطین نیوز کو موصول ہونے والی اطلاعات کے مطابق ریڈیو ’ریشیت بیٹ‘ کی رپورٹ میں فلپائن کے صدر رویڈو ریگو دوتیرتے نے اسرائیلی حکومت کو ایک برقی پیغام بھیجا ہے جس میں امریکی صدر کے القدس کے بارے میں فیصلے کی تائید کے ساتھ کہا گیا ہے کہ فلپائن بھی تل ابیب سے اپنا سفارت خانہ بیت المقدس منتقل کرنے پر غور کررہا ہے۔خیال رہے کہ بدھ کے روز امریکی صدرڈونلڈ ٹرمپ نے ایک تقریر میں مقبوضہ بیت المقدس کو صیہونی ریاست کا دارالحکومت قرار دے کرپوری دنیا میں اشتعال پھیلا دیا تھا۔
رپورٹ میں کہا گیا ہے کہ مشرقی یورپ کا ایک ملک بھی اپنا سفارت خانہ القدس منتقل کرنے کے لیے تیار ہے تاہم اس ملک کا نام ظاہر نہیں کیا گیا۔