مقبوضہ بیت المقدس – (فلسطین نیوز۔مرکز اطلاعات)Â اسرائیل کے وزیر اعظم نیتن یاہو کے مبینہ کرپشن میں ملوث ہونے کی وجہ سے ان کے خلاف اسرائیلی عوام سڑکوں پر نکل آئے۔
فلسطین نیوز کو موصول ہونے والی اطلاعات کے مطابق اسرائیل کے شہر تل ابیب میں 20 ہزارسے زائد افراد نے اسرائیلی وزیراعظم کے خلاف سڑکوں پر احتجاج کیا۔عوام کا مطالبہ تھا کہ وزیراعظم نیتن یاہو کے خلاف شفاف تحقیقات ہونی چاہیے۔ اسرائیلی مظاہرین، جن کے ہاتھوں میں پوسٹرز اور بینرز تھے، نیتن یاہو کے مالی اسکینڈل کے خلاف نعرے لگا رہے تھے۔دوسری جانب اسرائیلی پارلیمنٹ میں کرپشن تحقیقات محدود کرنے کا بل منظور کیا جا رہا ہے۔
واضح رہے کہ کچھ روز قبل اسرائیلی وزیراعظم اور ان کی بیوی پر کرپشن کا الزام لگ چکا ہے جس کی تحقیقات جاری ہے۔