بیت المقدس میں صیہونی آباد کاروں کے لیے 92 نئے مکانات کی اسکیم

مقبوضہ بیت المقدس – (فلسطین نیوز۔مرکز اطلاعات) عبرانی اخبارات نےانکشاف کیا ہے کہ صیہونی حکومت نے ’زخاتی شمعون‘ نامی ایک تعمیراتی کمپنی کی مدد سے بیت المقدس میں ’بسغات زئیو‘ کالونی میں مزید 92 مکانات کی تعمیر کی اسکیم کی منظوری دی ہے۔

فلسطین نیوز کو موصول ہونے والی اطلاعات کے مطابق عبرانی جریدے’کول ھعیر‘ کی رپورٹ میں مذکورہ تعمیراتی منصوبے کو ’زرفاتی بسغات‘ کا نام دیا گیا ہے۔ اس منصوبے کے تحت سات سے آٹھ منزلہ دو پلازے تعمیر کئے جائیں گے، ان میں سے ہرایک منزل میں تین رہائشی فلیٹس شامل ہوں گے۔ اس کے علاوہ دو چھ سے آٹھ منزلہ پلازے تعمیر کیے جائیں گے۔ ایک رہائشی فلیٹ میں چار سے پانچ کمرے تعمیر کیے جائیں گے۔