مقبوضہ بیت المقدس – (فلسطین نیوز۔مرکز اطلاعات) اسرائیلی پولیس نے کرپشن کے الزامات کا سامنا کرنے والے وزیراعظم نیتن یاہو سے چھٹی بار تفتیش کی ۔اسرائیلی وزیراعظم بنجمن نیتن یاہو کو کرپشن کے الزامات کا سامنا ہے۔ تحقیقات کرنے والے پولیس اہلکاروں نے مقبوضہ بیت المقدس میں اسرائیلی وزیراعظم سے ان کے دفتر میں اتوار کی شام کئی گھنٹے تک پوچھ گچھ کی۔
دو ہزار نو سے برسراقتدار نیتن یاہو نے کسی قسم کی کرپشن میں ملوث ہونے کی تردید کی ہے۔ نیتن یاہو پر بڑے تاجروں سے تحائف وصول کرنے اور میڈیا کوریج کے لئے ایک اخبار کے پبلشر سے ڈیل کرنے کا الزام ہے۔اس سے پہلے وزیراعظم کے دست راست اعلیٰ سرکاری عہدیدار سے جرمنی سے آبدوز کی خریداری میں دو بلین ڈالر کی کرپشن کی تحقیقات کی گئی تھیں