مقبوضہ بیت المقدس – (فلسطین نیوز۔مرکز اطلاعات) فلسطین کے مقبوضہ بیت المقدس میں مسجد اقصیٰ میں صیہونی آباد کاروں کے دھاوے اور مقدس مقام کی مجرمانہ بے حرمتی کا سلسلہ جاری ہے۔Â ایک رپورٹ کے مطابق گذشتہ ایک ماہ کے دوران عبادت کی آڑ میں 2500 صیہونی شرپسند مسجد اقصیٰ میں داخل ہوئے۔
فلسطین نیوز کو موصول ہونے والی اطلاعات کے مطابق کل سوموار کو 64Â اور اتوار کے روز 190 صیہونیوں نے مسلمانوں کے قبلہ اوّل کی بے حرمتی کا ارتکاب کیا۔ دو ماہ کے دوران 4 ہزار سے زائد صیہونی آباد کاروں نے قبلہ اوّل کی بے حرمتی کی ہے۔ کل سوموار کو دن کے پہلے وقت میں 49 اور دوسرے وقت میں 15 صیہونیوں نے اسرائیلی فوج اور پولیس کی فول پروف سیکیورٹی میں مسجد اقصیٰ میں داخل ہوکر مذہبی رسومات کی ادائیگی کی آڑ میں مقدس مقام کی بے حرمتی کی۔رپورٹ کے مطابق اسرائیلی فوجÂ نے مسجد الاقصیٰ میں اتوار کو دن کے پہلے حصے میں دسیوں صیہونیوں نے اسرائیلی پولیس کی فول پروف سیکیورٹی میں نے قبلہ اوّل کی بے حرمتی کا ارتکاب کیا۔ دن کے دوسرے حصے میں قبلہ اوّل کی بے حرمتی کرنے والوں میں اسرائیلی انٹیلی جنس اداروں کے اہلکار بھی شامل تھے۔
عینی شاہدین نے بتایا کہ صیہونی آباد کاروں کی بڑی تعداد مراکشی دروازے کے راستے مسجد اقصیٰ میں داخل ہوئی۔ اس موقع پر اسرائیلی فوج اور پولیس کی بھاری نفری تعینات کی گئی تھی۔
اطلاعات کے مطابق مسجد اقصیٰ کے دروازوں کے باہر تعینات کی گئی اسرائیلی فولیس نے فلسطینی نمازیوں کے ساتھ بدسلوکی کی اور ان کی شناخت پریڈ کے ساتھ انہیں قبلہ اوّل میں عبادت کے لیے داخل ہونے سے روکنے کی کوشش کرتے رہے۔ صیہونی فوج کی جانب سے روکنے پر فلسطینی مشتعل ہوگئے اور انہوں نے صیہونی فوج اور پولیس کی غنڈہ گردی کے خلاف شدید نعرے بازی کی۔
مسجد اقصیٰ کے ’باب السلسلہ‘ کے باہر صیہونی آباد کاروں اشتعال انگیز حرکات کیں جس پرفلسطینی شہری سخت مشتعل ہوگئے تاہم صیہونی فوج اور پولیس نے فلسطینی شہریوں کو صیہونیوں کےقریب آنے سے روک دیا۔
قدس پریس کی رپورٹ کے مطابق گذشتہ دو ماہ کے دوران 4 ہزار کے قریب صیہونی شرپسند قبلہ اوّل میں داخل ہوئے اور مقدس مقام کی بے حرمتی کی۔
خیال رہے کہ قبلہ اوّل کی بے حرمتی اور نام نہاد مذہبی رسومات کی ادائیگی کی آڑ میں مسلمانوں کے تیسرے مقدس ترین مقام کی حرمت کی پامالی صیہونی اشرار کا معمول بن چکا ہے۔ مقدس مقام کی مسلسل بے حرمتی اسرائیل کی سرکاری سرپرستی اور پولیس و فوج کی مکمل نگرانی میں ہوتی ہے۔