مقبوضہ بیت المقدس – (فلسطین نیوز۔مرکز اطلاعات) اردن کی حکومت نے مسجد اقصیٰ پر صہیونی آباد کاروں کے مسلسل دھاووں کی شدید مذمتے ہوئے موجودہ کشیدگی کا ذمہ دار اسرائیل کو ٹھہرایا ہے۔
فلسطین نیوز کو موصول ہونے والی اطلاعات کے مطابق اردنی حکومت کے ترجمان اور وزیر اطلاعات محمد المومنی نے کہا کہ مسجد اقصیٰ اور حرمی قدسی پر صہیونی یلغار، مذہبی تہوار کی آڑ میں مقدس مقام کی بے حرمتی انتہائی افسوسناک اور ناقابل قبول ہے۔ صہیونیوں کے مسلسل دھاووں سےÂ مسجد اقصیٰ میں کشیدگی میں اضافہ ہوسکتا ہے جس کی تمام ترذمہ داری صہیونی ریاست پرعائد ہوتی ہے۔اردنی وزیر نے کہا کہ صہیونی آباد کاروں کے اسرائیلی فوج اور پولیس کی سیکیورٹی میں مسجد اقصیٰ پر دھاوے ناقابل قبول، قابل مذمت، اشتعال انگیز اور غیر ذمہ دارانہ ہیں۔ صہیونیوں کا سرکاری سرپرستی میں مسلمانوں کے تیسرے مقدس ترین مقام میں داخل ہونا بین الاقوامی انسانی حقوق کی سنگین پامالی ہے۔ اسرائیل حرم قدسی کے حوالے سے بین الاقوامی ضابطوں، قراردادوں اور قوانین کس دانستہ طور پر پامال کررہا ہے۔
محمد المومنی کا کہنا تھا کہ اسرائیلی حکومت کی سرپرستی میں صہیونی آبادکاورں کے قبلہ اوّل پر دھاووں سے دونوں ملکوں کےدرمیان تعلقات متاثر ہوسکتے ہیں۔ اس طرح کے غیرذمہ دارانہ تصرفات کے نتیجے میں مسجد اقصیٰ کے آئینی اور قانونی اسٹیٹس کو اور مقدس مقام کی آئینی حیثیت متاثر ہوسکتی ہے اور اس کے نتیجے میں خطے میں دیر پاÂ قیام امن کی مساعی بھی متاثر ہوسکتی ہیں۔