دمشق – (فلسطین نیوز۔مرکز اطلاعات) انسانی حقوق کی تنظیموں کے مطابق شام میں جاری خانہ جنگی کے نتیجے میں وہاں پر مقیم فلسطینی پناہ گزینوں کی شہادتوں کا سلسلہ بھی جاری ہے۔ ستمبر میں تشدد کی مختلف کارروائیوں میں مزید 24 فلسطینی پناہ گزین جام شہادت نوش کرگئے۔ یاد رہے کہ ستمبر 2016ء کے دوران 43 فلسطینی پناہ گزین شہید ہوئے تھے۔
فلسطین نیوز کو موصول ہونے والی اطلاعات کے مطابق شام میں انسانی حقوق کی صورت حال پر نظر رکھنے والے دارے’فلسطین۔ شام ایکشن گروپ‘ کی طرف سے جاری کردہ ایک رپورٹ میں بتایاگیا ہے کہ ستمبر 2016ء میں الرقہ میں 7، الشولہ میں ، یرموک پناہ گزین کیمپ میں دو،حماۃ میں دو، یلدا میں دو اور جوبر میں ایک فلسطینی پناہ گزین شہید ہوا جب کہ پانچ فلسطینیوں کی شہادت کی جگہ کا تعین نہیں کیا جا سکا۔رپورٹ میں بتایا گیا ہے فائرنگ کے نتیجے میں 937 فلسطینی پناہ گزین شہید ہوئے۔
فلسطین ایکشن گروپ کی طرف سے جاری کردہ رپورٹ میں بتایا گیا ہے کہ یرموک پناہ گزین کیمپ اور یلدا شہر کے درمیان ’داعش‘ اور دوسرے شامی گروپوں کے درمیان ہونے والی لڑائی میں کئی فلسطینی پناہ گزین شہید اور زخمی ہوئے۔