مقبوضہ بیت المقدس – (فلسطین نیوز۔مرکز اطلاعات) اسرائیل کے انسداد دہشت گردی محکمہ کی جانب سے صہیونیوں کو تاکید کی گئی ہے کہ وہ ترکی کا سفر نہ کریں اور ترکی میں موجود اسرائیلی شہری فوری طور پر ملک چھوڑ دیں کیونکہ ان پر دہشت گردانہ حملوں کے خطرات موجود ہیں۔
فلسطین نیوز کو موصول ہونے والی اطلاعات کے مطابق اسرائیلی انسداد دہشت گردی محکمہ کی طرف سے جاری کردہ بیان میں کہا گیا ہے کہ ترکی کی سفر کرنا خطرناک ہوسکتا ہے۔ انٹیلی جنس اداروں کو یہ معلومات ملی ہیں کہ حالیہ ایام میں ترکی میں دہشت گرد اسرائیلی شہریوں کو حملوں کا نشانہ بنا سکتے Â ہیں۔
صہیونی حکومت نے اسرائیلی شہریوں کو مذہبی تہواروں کی تعطیلات یورپی ملکوں میں گذارنے سے گریز کی ہدایت کی ہے اور کہا ہے کہ کسی بھی یورپی ملک میں اسرائیلی شہریوں پر داعش اور دوسرے دہشت گرد Â حملے کرسکتے ہیں۔
اسرائیلی حکومت کی طرف سے شہریوں کو انتباہی بیان میں اردن، ترکی اور مصر کے سفر سے گریز کی تاکید کی گئی ہے اور سختی سے کہا گیا ہے اسرائیلی شہری ترکی اور مصر کے جزیرہ سیناء کا سفر نہ کریں۔