بیت لحم – (فلسطین نیوز۔مرکز اطلاعات) فلسطین کے مقبوضہ مغربی کنارے کے جنوبی شہر بیت لحم میں ایک صہیونی کالونی کے قریب ایک صہیونی آباد کاری نے اپنی گاڑی سے فلسطینی نوجوان کچل ڈالا جس کے نتیجے میں فلسطینی شدید زخمی ہوا۔
فلسطین نیوز کو موصول ہونے والی اطلاعات کے مطابق مقامی فلسطینی ذرائع کا کہنا ہے کہ شہر کے جنوب مغربی قصبے حوسان کے قریب ایک صہیونی آباد کار نے اپنی گاڑی فلسطینی نوجوان پر چڑھا دی جس کے نتیجے میں نوجوان شدید زخمی ہو گیا۔
مقامی سماجی کارکن یوسف ابو ماریا نے بتایا کہ صہیونی آباد کار کی گاڑی کی ٹکر سے زخمی ہونے والے نوجوان کی شناخت خلیل محمود ابو ماریہ کے نام سے کی گئی ہے جس کی عمر 32 سال اورآبائی تعلق الخلیل شہر کے شمالی قصبے بیت امر سے ہے۔ وہ بیتار علیت صہیونی کالونی کے قریب سڑک پر سبزی اور پھل فروش کا کام کرتا ہے۔
فلسطینی شہری کو کچلنے کے بعد یہودی شرپسند موقع سے فرار ہوگیا۔ کچھ دیر بعد اسرائیلی ایمبولینس کے ذریعے محمود ابو ماریا کو اسپتال منتقل کیا گیا ہے جہاں اس کی حالت خطرے میں بیان کی جاتی ہے۔