مقبوضہ بیت المقدس – (فلسطین نیوز۔مرکز اطلاعات) فلسطینی اتھارٹی کے ماتحت سیکیورٹی اداروں اور اسرائیلی فورسز نے فلسطینی شہریوں کی بلا جواز گرفتاریوں کی باریاں مقرر کررکھی ہیں۔ ایک کی قید سے چھوٹنے والے فلسطینیوں کو دوسری فورسز کی حراست میں لے لیتی ہے۔ حال ہی میں اسرائیلی قید سے 20 سال کے بعد رہا ہونے والے فلسطینی سماجی کارکن محمود المسالمہ کو عباس ملیشیا نے حراست میں لے لیا۔ مسالمہ کو غرب اردن کے جنوبی شہر الخلیل میں ان کے آبائی قصبے بیت عوا میں گھر جاتے ہوئے حراست میں لیا گیا۔
فلسطین نیوز کو موصول ہونے والی اطلاعات کے مطابق محمود المسالمہ کے اہل خانہ نے بتایا ہے کہ عباس ملیشیا نے المسالمہ کو بغیر کسی وجہ کے حراست میں لیا ہے۔ وہ بیس سال تک اسرائیلی زندانوں میں پابند سلاسل رہے ہیں۔
خیال رہے کہ یہ پہلا واقعہ نہیں جب عباس ملیشیا نے اسرائیلی زندانوں میں قید رہنے والے فلسطینی کو حراست میں لیا ہے۔ اس سے قبل بھی اس طرح کے دسیوں واقعات پیش آچکے ہیں۔