رام اللہ – (فلسطین نیوز۔مرکز اطلاعات) فلسطین میں انسانی حقوق کی تنظیموں کی طرف سے جاری کردہ رپورٹس میں بتایا گیا ہے کہ رواں ماہ اگست کے پہلے بیس روز میں اسرائیلی عدالتوں سے 84 فلسطینی اسیران کو انتظامی حراست کی سزائیں دی گئیں۔
فلسطین نیوز کو موصول ہونے والی اطلاعات کے مطابق انسانی حقوق کے کارکنان کا کہنا ہے کہ گذشتہ بیس ایام میں اسرائیلی عدالتوں سے چوراسی فلسطینی شہریوں کو خفیہ طور پر انتظامی حراست کی سزائیں دی گئیں۔ صہیونی انتظامیہ کی طرف سے فلسطینی اسیران کو تین ماہ سے چھ ماہ تک کی سزائیں دی گئیں۔
کلب برائے اسیران کی رپورٹ کے مطابق بعض اسیران کی دوسری اور بعض کی تیسری بار مدت حراست میں توسیع کی گئی۔ مجموعی طور پر 47 اسیران کو پہلی بار جب 38 کی جاری قید میں تین سے چھ ماہ کی توسیع کی گئی۔