پاکستانی نژاد برطانوی سے بارودی مواد ضبط کرنے کا اسرائیلی دعویٰ

مقبوضہ بیت المقدس – (فلسطین نیوز۔مرکز اطلاعات) اسرائیلی پولیس نے دعویٰ کیا ہے کہ حکام کو سنہ 1948ء کے مقبوضہ علاقے ’رحوبوت‘ سے ایک ریل گاڑی کی بوگی سے مشکوک دھماکہ خیز مواد برآمد ہوا ہے۔ پولیس کا کہنا ہے کہ ایک پاکستانی نژاد برطانوی سیاح کے سامان سے مشکوک بیگ برآمد کیا گیا ہے جس میں بارو سے ملتا جلتا سامان موجود تھا۔

فلسطین نیوز کو موصول ہونے والی اطلاعات کے مطابق پولیس کی طرف سے جاری کردہ بیان میں کہا گیا ہے کہ ریل گاڑی سے برآمد ہونے والا مشکوک دھماکہ خیز مواد قبضے میں لینے کے بعد اس کی تحقیقات شروع کردی گئی ہیں۔ پولیس یہ جاننے کی کوشش کررہی ہے کہ آیا وہ بارود خطرناک دھماکہ خیز مواد تھا یا نہیں۔

پولیس کا کہنا ہے کہ انہیں اطلاع دی گئی ایک پاکستانی نژاد برطانوی سیاح کے سامان میں کچھ مشکوک سامان موجود ہے۔ یہ شبہ ہوا کہ سامان میں دھماکہ خیز مواد ہے۔ پولیس نے تحقیقات کی ہیں تاہم آخری اطلاعات تک یہ ثابت نہیں ہوسکا کہ آیا قبضے میں لیا گیا بارودی مواد کس نوعیت کا تھا۔