رام اللہ – (فلسطین نیوز۔مرکز اطلاعات) فلسطینی محکمہ امور اسیران کی طرف سے جاری کردہ ایک بیان میں کہا گیا ہے کہ اسرائیلی جیل میں قید ایک فلسطینی شہری دل میں تکلیف کے بعد اسپتال منتقل کیے گئے ہیں۔
فلسطین نیوز کو موصول ہونے والی اطلاعات کے مطابق امور اسیران کا کہنا ہے کہ اسیر داؤد طلعت الخطیب کو عارضہ قلب کے باعث مقبوضہ بیت المقدس میں قائم سوروکا اسپتال منتقل کیا گیا ہے۔ اسیر داؤد طلعت کا تعلق مقبوضہ مغربی کنارے کے جنوبی شہر بیت لحم سے ہے۔ وہ اس وقت ریمون جیل میں 18 سال قید کی سزا کے تحت پابند سلاسل ہے۔