حماس کا اعلیٰ اختیاراتی وفد ملائیشیا کے دورے کے بعد واپس

کولالمپور – (فلسطین نیوز۔مرکز اطلاعات) اسلامی تحریک کے مرکزی قائدین پر مشتمل وفد ملائیشیا کے دورے کے واپس بیروت  پہنچ گیا ہے۔

فلسطین نیوز کو موصول ہونے والی اطلاعات کے مطابق حماس کا ایک وفد چند روزہ دورے پر حال ہی میں کولالمپور پہنچا تھا جہاں جماعت کے قائدین نے ملائیشیا کی سیاسی قیادت، حکومتی عہدیداروں اور دیگر سرکردہ شخصیات سے ملاقاتیں کیں۔

ملائیشیا میں حماس کے وفد کی قیادت لبنان میں جماعت کے مندوب اسامہ حمدان نے کی۔ حماس رہنماؤں نے ملائیشیا میں قیام کے دوران وہاں پر فلسطینی سرگرمیوں میں بھی حصہ لیا۔

حماس کے مندوبین نے نائب وزیراعظم احمد زائد حمیدی سے پیٹریا جایا میں واقع ان کے دفتر میں ان سے ملاقات کی۔ اس ملاقات میں فلسطین کی موجودہ صورت حال پر تبادلہ خیال کیا گیا۔ حماس کے وفد نے ملائیشین نائب وزیراعظم کو غزہ کی پٹی پر اسرائیل کی مسلط کردہ پابندیوں، مسجد اقصیٰ میں کشیدگی اور غرب اردن میں اسرائیلی اقدامات پر بریفنگ دی۔