فلسطین نیوز کو موصول ہونے والی اطلاعات کے مطابق صہیونی فوج نے وحشیانہ طاقت کا استعمال کرتے ہوئے باب الاسباط کے باہر دھرنا دینے والے فلسطینیوں کو حرم قدسی کی دیواروں سے باہر دھکیل دیا۔ وحشیانہ تشدد کے نتیجے میں کئی مظاہرین زخمی بھی ہوئے ہیں۔
رپورٹ کے مطابق اسرائیلی فوج کے وحشیانہ تشدد کے باوجود دسیوں مظاہرین اپنی جگہ پر جمے رہے اور انہوں نے دھرنا ختم کرنے سے انکار Â کردیا۔
خیال رہے کہ گذشتہ جمعہ کے بعد اسرائیلی فوج نے مسجد اقصیٰ میں اذان اور نماز کی ادائیگی پر پابندی عائد کر رکھی ہے۔ اس کے ساتھ ساتھ اسرائیلی فوج نے مسجد اقصیٰ میں داخلے کے لیے الیکٹرانک گیٹ نصب کرنے اور کیمرے لگانے کا سلسلہ شروع کیا ہے جس کے خلاف فلسطینی سراپا احتجاج ہیں۔ فلسطینی شہریوں نے اسرائیلی فوج کی طرف سے عائد کردہ پابندیوں اور نام نہاد سیکیورٹی اقدامات کو مسترد کردیا ہے۔