فلسطین نیوز کو موصول ہونے والی اطلاعات کے مطابق اسرائیل کے ہفتہ روزہ عبرانی جریدہ ’یرشلم‘ کی رپورٹ کے مطابق اسرائیلی بلدیہ نے حال ہی میں بسغات زئیو صہیونی کالونی میں مزید اڑھائی سو سے زائد رہائشی فلیٹس کی تعمیر کی منظوری دی ہے جس کے بعد تعمیراتی کام جلد ہی شروع کیا جائے گا۔
منصوبے کے تحت بسغات زئیوف کالونی میں 17 منزہ ایک پلازہ تعمیر کیا جا رہا ہے جس میں 260 رہائشی فلیٹس کے علاوہ تجارتی مراکز اور دفاتر بھی بنائے جائیں گے۔
رپورٹ میں بتایا گیا ہے کہ یہ منصوبہ انجینیر یگال لیوی نے تیار کیا ہے جس کی منظوری بیت المقدس بلدیہ کے وائس چیئرمین میئر ترجمان نے حال ہی میں دی تھی۔ اس منصوبے پر بغیر کسی تعطل یا رکاوٹ کے فوری کام شروع کیا جائے گا۔
اخبار نے دو سو ساٹھ مکانات کے نئے منصوبے کو غیرمعمولی قرار دیا اور کہا کہ ان مکانات کی تعمیر کے بعد بسغات زئیو کالونی صہیونیوں کے ایک بڑے مرکز میں تبدیل ہوجائے گی۔
اس منصوبے کے لیے 12 منزلہ عمارتوں کے لیے منظور شدہ رقبے کا 240 فی صد رقبے کو استعمال کیا جائے گا جبکہ منظور شدہ رقبے میں 18 منزلہ عمارتوں کے لیے 320 فی صد جگہ مختص کی گئی ہے۔