بیروت – (فلسطین نیوز۔مرکز اطلاعات) اسلامی تحریک مزاحمت ’حماس‘ کے سیاسی شعبے کے سینیر رکن ڈاکٹر موسیٰ ابو مرزوق کل جمعرات کی شام مصر کے دارالحکومت قاہرہ سے لبنان پہنچے ہیں جہاں وہ آج بیروت میں موجود فلسطینی قیادت اور لبنانی حکام سے ملاقاتیں کریں گے۔
فلسطین نیوز کو موصول ہونے والی اطلاعات کے مطابق حماس رہنما دو روز قبل مصری حکام سے بات چیت کے لیے قاہرہ پہنچے تھے جہاں حماس کا ایک وفد فلسطین کے علاقے غزہ کی پٹی سے یحییٰ السنوار کی قیادت میں بھی قاہرہ پہنچا تھا۔ڈاکٹر موسیٰ ابو مرزوق نے گذشتہ شام حماس کی جانب سے منعقد کی گئی بیروت میں ایک افطار پارٹی میں بھی شرکت کی تھی۔ افطار ڈنر میں حماس رہنما، بیروت میں موجود فلسطینی قیادت اور لبنانی حکام بھی موجود تھے۔
قبل ازیں انہوں نے قاہرہ میں مصری حکام سے فلسطین کی موجودہ صورت حال اور امریکی صدر ڈونلڈ ٹرمپ کے دورہ مشرق وسطیٰ کے بعد اسرائیل کی طرف سے سامنے آنے والی سنگین نتائج کی دھمکیوں پر بات چیت کی۔
رپورٹ کے مطابق ڈاکٹر موسیٰ ابو مرزوق لبنان میں مقیم فلسطینی قیادت اور لبنانی حکومت کے نمائندوں سے ملاقاتیں کریں گے۔