ناروے کی خاتون سفیرہ کی اسماعیل ھنیہ سے ملاقات

غزہ – (فلسطین نیوز۔مرکز اطلاعات) فلسطینی اتھارٹی کے ہاں تعینات ناروے کی  خاتون سفیرہ نے کل فلسطینی علاقے غزہ کی پٹی کا دورہ کیا جہاں انہوں نے اسلامی تحریک مزاحمت ’حماس‘ کے سیاسی شعبے کے سربراہ اسماعیل ھنیہ سے ملاقات کی۔

فلسطین نیوز کو موصول ہونے والی اطلاعات کے مطابق ناروے کی سفیرہ ھیلدا ھارالڈ اسٹار نے گذشتہ روز غزہ کی پٹی میں حماس کے سیاسی شعبے کے سربراہ اسماعیل ھنیہ کے دفتر کا دورہ کیا جہاں انہوں نے اسماعیل ھنیہ سے ملاقات کی۔

ناروے کی سفیر اور اسماعیل ھنیہ کے درمیان ہونے والی بات چیت میں فلسطین اور خطے کی تازہ صورت حال پر تبادلہ خیال کیا گیا۔