فلسطین نیوز کو موصول ہونے والی اطلاعات کے مطابق صہیونی فوج نے غرب اردن کے شمالی شہر نابلس میں جنو مشرق میں واقع 13 دیہات کو پانی کی فراہمی روک دی ہے جس کے نتیجے میں مقامی فلسطینی آبادی پانی کی بوندھ بوندھ کو ترس گئے ہیں۔
نابلس میں ایک مقامی سماجی کارکن اور صہیونی آباد کاری کے امور کے نگران غسان دغلس نے بتایا کہ صہیونی انتظامیہ نے جنوب مشرقی نابلس کی ایک درجن سے زائد دیہات کو پانی کی سپلائی بند کردی ہے۔
انہوں نے کہا کہ پانی کی بندش دانستہ کی گئی ہےتاکہ فلسطینی شہری ماہ صیام میں پانی کی عدم فراہمی کی وجہ سے مسائل کا شکار رہیں۔
غسان دغلس کا کہنا ہے کہ ایک طرف اسرائیلی انتظامیہ نے جنوبی نابلس کے13 دیہات کو پانی سپلائی بند کردی ہے اور دوسری طرف صہیونی کالونیوں کو فالتو پانی بھی فراہم کیا جا رہا ہے۔ پانی کی عدم فراہمی، مقامی آبی ذرائع خشک ہونے اور پانی ذخیرہ کرنے کے معقول انتظامات نہ ہونے کے باعث فلسطینی شہری سنگین مشکلات کا سامنا کررہے ہیں۔ پانی کی قلت سے انسانی، حیوانی اور آبی زندگی بھی بری طرح متاثر ہو رہی ہے۔