رام اللہ – (فلسطین نیوز۔مرکز اطلاعات) اسرائیل کی ’نفحہ‘ جیل میں قید 200 فلسطینی اسیران نے 17 اپریل سے اپنے حقوق کے لیے بھوک ہڑتال کرنے والے اسیران کے ساتھ یکجہتی کے طور پر بھوک ہڑتال شروع کی ہے۔
فلسطین نیوز کو موصول ہونے والی اطلاعات کے مطابق اسیران کی بھوک ہڑتال کو فالو کرنے کے لیے قائم کردہ کمیٹی برائے اطلاعات نے بتایا ہے کہ اسرائیل کی نفحہ، ریمون اور ایچل جیلوں میں قید 200 فلسطینی اسیران نے اجتماعی بھوک ہڑتال کرنے والے اسیران میں شمولیت اختیار Â کرتے ہوئے بھوک ہڑتال کا اعلان کیا ہے۔خیال رہے کہ اسرائیلی جیلوں میں 17 اپریل سے 1500 فلسطینی اسیران نے اپنے حقوق کے حصول کے لیے اجتماعی بھوک ہڑتال شروع کی تھی۔ آج اس بھوک ہڑتال کو 36 دن گذر چکے ہیں۔ بھوک ہڑتال کرنےوالے اسیران میں سے بیشتر کی حالت کافی حد تک تشویشناک ہے تاہم وہ اپنے مطالبات پورے ہونے تک بھوک ہڑتال جاری رکھنے کے لیے پرعزم ہیں۔