سفلیت – (فلسطین نیوز۔مرکز اطلاعات) فلسطین کے مقبوضہ مغربی کنارے کےشمالی شہرسفلیت میں اسرائیلی فوج نے چار مقامات فلسطینی شہرویں کی اراضی میں کھدائی کی۔
فلسطین نیوز کو موصول ہونے والی اطلاعات کے مطابق عینی شاہدین نے بتایا کہ صہیونی فوج نے سلفیت کے مغرب میں فلسطینی دیہاتوں میں چار مقامات پر فلسطینیوں کی اراضی کی کھدائی کی۔عینی شاہدین نے بتایا کہ اسرائیلی فورسز نے مغربی سلفیت میں بائی پاس روڈ کی توسیع، لیشم یہودی کالونی میں توسیع، دیر بلوط اور وادی قانان میں قائم یاکیر صہیونی کالونی میں تعمیرات کے لیے فلسطینی اراضی میں جگہ جگہ کھدائی کی۔
فلسطینی تجزیہ نگار خالد معالی کا کہنا ہے کہ حالیہ ایام میں صہیونی فوج کی طرف سے فلسطینیوں کی اراضی کی کھدائی کے رحجان میں مزید شدت آئی ہے۔ صہیونی فوج اور دیگر صہیونی ادارے غیراعلانیہ اور خفیہ طریقوں سے فلسطینی شہریوں کی اراضی پر غاصبانہ کارروائیوں کا سلسلہ جاری رکھے ہوئے ہیں۔