مقبوضہ بیت المقدس – (فلسطین نیوز۔مرکز اطلاعات) اسرائیل کی مرکزی عدالت نے ایک 17 سالہ فلسطینی لڑکی پر چاقو رکھنے اور اقدام قتل کے الزام میں فرد جرم عائد کی ہے۔
فلسطین نیوز کو موصول ہونے والی اطلاعات کے مطابق گذشتہ روز اسرائیلی عدالت نے بیت المقدس کے صفافا علاقے سے تعلق رکھنے والی17 سالہ Â ملک محمد یوسف سلمان کو اقدام قتل اور دستی ہتھیار رکھنے کا قصور وار قرار دیا۔عدالت نے فیصلہ مزید غور کے لیے Â چال چلن کی نگرانی کرنے والے افسر کے پاس بھیجا ہے۔ اس کیس پر اگلی سماعت 26 Â مارچ کو ہوگی۔
خیال رہے کہ اسرائیلی فوج نے ملک سلمان کو 9 جنوری 2016ء کو بیت المقدس کے باب العامود کے مقام سے حراست میں لیا تھا۔ وہ اب تک متعدد جیلوں میں قید رہ چکی ہے اس وقت الشارون جیل میں پابند سلاسل ہے۔