مقبوضہ بیت المقدس – (فلسطین نیوز۔مرکز اطلاعات) اقوام متحدہ میں فلسطین کے مستقل مندوب نے سلامتی کونسل کی اس حالیہ قراداد پر عملدرآمد کا مطالبہ کیا ہے جس میں اسرائیل کو صیہونی بستیوں کی تعمیر روکنے کا حکم دیا گیا ہے۔
فلسطین نیوز کو موصول ہونے والی اطلاعات کے مطابق اقوام متحدہ میں فلسطین کے مستقبل مندوب ریاض منصور نے ادارے کے سیکریٹری جنرل بان کی مون کے نام ایک خط ارسال کیا ہے جس میں قرارداد نمبر تیئیس چونتیس پر عملدرآمد کا مطالبہ کیا گیا ہے۔ ریاض منصور نے اقوام متحدہ کے ذیلی اداروں سے بھی مطالبہ کیا وہ بھی سلامی کونسل کی مذکورہ قرارداد کی حمایت کریں۔قابل ذکر ہے کہ اقوام متحدہ کی سلامتی کونسل نے تیئیس دسمبر 2016 کو ایک قرار داد پاس کی تھی جس میں مقبوضہ فلسطینی علاقوں میں صیہونی بستیوں کی تعمیر فوری طور پر روکنے پر زور دیا گیا تھا۔