قلقیلیہ – (فلسطین نیوز۔مرکز اطلاعات) اسرائیلی فوج نے فلسطین کے مقبوضہ مغربی کنارے کے شمالی شہر قلقیلیہ میں ایک کارروائی کے دوران فوجی چوکی کے قریب ایک فلسطینی لڑکی کو حراست میں لے کر نامعلوم مقام پر منتقل کر دیا ہے۔
فلسطین نیوز کو موصول ہونے والی اطلاعات کے مطابق اسرائیلی فوج کے ایک رابطہ کار نے بتایا ہے کہ فوج نے شہر کے جنوب میں قائم ’’الیاھو‘‘ فوجی چوکی کے قریب سے ایک مشتبہ فلسطینی لڑکی کو حراست میں لیا Â ہے جسے تفتیش کے لیے نامعلوم مقام پر منتقل کردیا گیا ہے۔صہیونی فوج کا کہنا ہے کہ چوکی پر موجود فوجی اہلکاروں نے فلسطینی لڑکی پر انتباہی فائرنگ کی تاہم لڑکی محفوظ رہی۔ بعد ازاں اسے گرفتار کرلیا گیا ہے۔
رپورٹ کے مطابق گرفتار کی گئی لڑکی کی شناخت نورس علی زماری کے نام سے کی گئی ہے جس کی عمر 16 سال ہے۔ ذرائع کے مطابق اسرائیلی فوج حراست میں لی گئی لڑکی سے تفتیش کررہے ہیں۔
خیال رہے کہ ’الیاھو‘ یہودی چیک پوسٹ کو غرب اردن اور شمالی فلسطین میں آمد ورفت کے لیے ایک گذرگاہ کے طور پر استعمال کیا جاتا ہے۔ فلسطینی شہری شمالی فلسطین میں علاج ، کاروبار اور کام کاج کی غرض اس چوکی سے گذر کر جاتے ہیں۔ اس گذرگاہ کو عبور کرنے والے فلسطینیوں کی گرفتاری معمول کی بات ہے۔