مقبوضہ بیت المقدس – (فلسطین نیوز۔مرکز اطلاعات) کویت کی جانب سے فلسطینی پناہ گزینوں کی بہبود کے لیے پانچ ملین ڈالر کی امداد فراہم کی ہے۔
فلسطین نیوز کو موصول ہونے والی اطلاعات کے مطابق اقوام متحدہ کی ریلیف اینڈ ورکس ایجنسی ’اونروا‘ کی طرف سے جاری کردہ ایک بیان میں کہا گیا ہے کہ کویت کی طرف سے فلسطینی پناہ گزینوں کی بہبود کے لیے پانچ ملین ڈالر کی امداد فراہم کی گئی ہے۔بیان میں کہا گیا ہے کہ کویت کی طرف سے فلسطینی پناہ گزینوں کے لیے امداد کی فراہمی عالمی برادری کی طرف سے فلسطینی مہاجرین کے لیے ڈونر ممالک کی طرف سے کیے گئے اعلانا کا حصہ ہے۔
’اونروا‘ کے ہائی کمشنر پییر کرینپول نے ایک بیان میں کہا کہ ہمیں یہ جان کر نہایت خوشی اور اطمینان ہوا کہ کویت کی طرف سے فلسطینی پناہ گزینوں کی بہبود کے لیے پانچ ملین ڈالر کی امداد فراہم کرنے کا اعلان کیا گیا ہے۔ ان کا کہنا تھا کہ عالمی برادری کو فلسطینی پناہ گزینوں کی مدد کے لیے دل کھول کر امداد فراہم کرنی چاہیے کیونکہ عرب ممالک میں جاری خانہ جنگیوں اور شورش کے نتیجے میں چارلاکھ فلسطینی پناہ گزین بھی براہ راست یا بالواسطہ طور پر متاثر ہوئے ہیں۔
اقوام متحدہ کے عہدیدار کا کہنا تھا کہ سنہ 2015ء میں کویت کی طرف سے فلسطینی پناہ گزینوں کی بہبود کے لیے 17 ملین ڈالرکی امداد فراہم کی تھی۔ رواں سال اونروا کی طرف سے فلسطینی مہاجرین کے لیے 414 ملین ڈالرکی امداد فراہم کرنے کا مطالبہ کیا تھا۔