مقبوضہ بیت المقدس – (فلسطین نیوز۔مرکز اطلاعات) فلسطین کے مقبوضہ بیت المقدس شہر میں اسرائیلی فوج نے حال ہی میں ایک فدائی حملے میں شہید ہونے والے فلسطینی مصباح ابو صبیح کا جواں سال بیٹا گرفتار کر کے نامعلوم مقام پر منتقل کر دیا۔
فلسطین نیوز کو موصول ہونے والی اطلاعات کے مطابق شہید ابو صبیح کے بیٹے کی گرفتاری قلندیہ چیک پوسٹ سے عمل میں لائی گئی۔ گرفتار فلسطینی نوجوان صبیح ابو صبیح کی عمر 18 سال بتائی جاتی ہے۔ گرفتاری کے بعد اسے کسی نامعلوم مقام پر منتقل کر دیا گیا ہے۔خیال رہے کہ اسیر فلسطینی نوجوان کے والد مصباح ابو صبیح نے 9 اکتوبر کو بیت المقدس میں الشیخ جراح کے مقام پر اسرائیلی فوج پر فدائی حملے کے دوران دو قابض فوجیوں کو جنہم واصل کرتے ہوئے جام شہادت نوش کر لیا تھا۔