رام اللہ – (فلسطین نیوز۔مرکز اطلاعات) اسرائیل کی مرکزی عدالت سے تین فلسطینی شہریوں کو دو سال سے زائد عرصے کے لیے قید کی سزاؤں کا حکم دیا گیا ہے۔ سزائیں پانے والے تینوں فلسطینیوں کا تعلق مقبوضہ مغربی کنارے کے شمالی شہر جنین سے بتایا جاتا ہے۔
فلسطین نیوز کو موصول ہونے والی اطلاعات کے مطابق کلب برائے اسیران کی جانب سےجاری کردہ ایک بیان میں بتایا گیا ہے کہ جمعرات کو تین فلسطینی اسیران 19 سالہ سعید رفقی الرخ، کو دو سال چار ماہ، اور 18 سالہ اسیر بن عز الدین جواد الرخ اور جابر نوح مجیرمی دو دو سال اور ایک ایک ماہ قید کی سزا کا حکم دیا گیا۔ تینوں اسیران کو جرمانے بھی کیے گئے ہیں۔خیال رہے کہ تینوں فلسطینی شہریوں کو صہیونی فوج نے 9 دسمبر 2015ء کو حراست میں لیا تھا اور ان پر العفولہ کے مقام پر یہودی آباد کاروں پر چاقو سے حملوں کی منصوبہ بندی کا الزام عائد کیا گیا ہے۔