رام اللہ – (فلسطین نیوز۔مرکز اطلاعات) فلسطین کے سرکارہ ادارہ شماریات کی جانب سے بزرگوں کے عالمی دن کے موقع پر جاری کی گئی ایک رپورٹ میں بتایا گیا ہے کہ فلسطین میں 60 سال سے زاید عمر کے شہریوں کی تعداد کل آبادی کا 4.5 فی صد ہے۔
فلسطین نیوز کو موصول ہونے والی اطلاعات کے مطابق مرکزی ادارہ شماریات کی رپورٹ کے مطابق اکتوبر 2016ء کے اوائل میں 60 سال یا اس سے زائد عمر کے افراد کی تعداد کل آبادی کا 4.5 فی صد ہے۔ سنہ 2020ء میں اس میں اضافے کا امکان دیکھا جا رہا ہے۔رپورٹ میں بتایا گیا ہے کہ فلسطین میں 60 سال یا اس سے زائد عمر کے مردوں کی تعداد 4.1 فی صد جب کہ خواتین کی تعداد 5.0 فی صد ہے۔ فلسطین میں 100 عورتوں کے مقابلے میں 84.8 مرد ہیں۔
رپورٹ میں بتایا گیا ہے کہ فلسطین میں سنہ 2016ء کی دوسری چوتھائی میں معمر افراد کی ورکنگ پاور 12.5 فی صد ہے۔ غرب اردن میں یہ شرح 15.1 فی صد اور غزہ کی پٹی میں 7.2 فی صد ہے۔ معمر بے روزگار افراد کی شرح 1.0 فی صد ہے۔ اس میں غرب اردن میں 0.8 فی صد اور غزہ میں 1.6 فی صد ہے۔ کل 2.2 فی صد معمر مرد بے روزگار ہیں۔
سنہ 2015ء کی ایک رپورٹ میں بتایا گیا تھا کہ فلسطین میں عمر رسیدہ ناخواندہ افراد کی تعداد 29.0 فی صد ہے۔ سرکاری اعداد و شمار کے مطابق غزہ اور غرب اردن میں فلسطینی آبادی 40 لاکھ 68 ہزار ہے۔