مقبوضہ بیت المقدسÂ – (فلسطین نیوز۔مرکز اطلاعات) اسرائیل نے مغربی کنارے میں یہودی آبادکاروں کے لیے 98 نئے رہائشی یونٹوں کی تعمیر کی منظوری دے دی ہے۔
فلسطین نیوز کو موصول ہونے والی اطلاعات کے مطابق یہ بات یہودی بستیوں کی آبادی کاری کی مخالف تنظیم "Peace Now” نے بتائی۔مذکورہ نئے یونٹ رام اللہ شہر کے شمال میں گیلو یہودی بستی کے نزدیک اور رام اللہ ہی کے قریب اسرائیلی صنعتی علاقے میں تعمیر کیے جائیں گے۔
تنظیم کی ترجمان کے مطابق "اسرائیلی حکومت نے اس منظوری کے ساتھ ہی فلسطینی اور اسرائیلی ریاستوں پر مبنی حل کے سامنے ایک نئی رکاوٹ کھڑی کر دی ہے”۔