غزہ – (فلسطین نیوز۔مرکز اطلاعات) غزہ کا واحد بجلی گھر اسرائیل کی جانب سے کرم ابو سالم کمرشل کراسنگ بند کرنے اور غزہ میں تیل کی کمی کی وجہ سے بند کر دیا گیا ہے۔
بجلی گھر کے حکام کے مطابق کرم ابو سالم کراسنگ کی اچانک بندش کی وجہ سے غزہ پاور پلانٹ کو کچھ دنوں کے لئے بند کر دیا گیا ہے۔ حکام نے امید ظاہر کی کہ یہ کراسنگ زیادہ دیر تک بند نہیں رہے گی۔کرم ابو سالم کراسنگ غزہ کی واحد کمرشل کراسنگ ہے جہاں سے ضروریات زندگی غزہ میں داخل ہو سکتی ہیں۔ اسے ہفتہ وار ہر جمعہ اور ہفتے کے روز بند کیا جاتا ہے۔ اس کے علاوہ ہر یہودی مذہبی تہوار پر بھی سیکیورٹی کو وجہ بنا کر اس کراسنگ کو بند کردیا جاتا ہے۔