جنین – (فلسطین نیوز۔مرکز اطلاعات) اسرائیلی جیل سروس نے حماس کے گرفتار ارکان کے خلاف کریک ڈائون کے ایک نئے مرحلے کے طور پر حماس رہنما جمال ابو حیجہ کو ایچل جیل کی ایک علاحدہ کوٹھڑی میں ڈال دیا ہے۔
فلسطین نیوز کو موصول ہونے والی اطلاعات کے مطابق ابو الحیجہ کو ایچل جیل میں فلسطینی قیدیوں کے ساتھ ناروا سلوک رکھنے پر احتجاج کرنے کی پاداش میں قید تنہائی میں رکھا گیا ہے۔اسرائیلی جیل سروس فلسطینی قیدیوں کے خلاف نفسیاتی جنگ کو تیز کرنے کے لئے قیدیوں کا مسلسل جیلوں کے درمیان تبادلہ کر رہی ہے۔
مغربی کنارے کے صوبے جنین سے تعلق رکھنے والے ابو الحیجہ کو نو بار عمر قید کی سزا دی گئی ہے۔