(فلسطین نیوز۔مرکز اطلاعات) صہیونی حکام کی طرف سے کئی ماہ کے انتظار کے بعد غزہ کی پٹی کے 69 فلسطینیوں کو غرب اردن میں قائم ’نفحہ‘جیل میں قید اپنے اقارب سے ملاقات کی اجازت دی گئی۔ اجازت ملنے کے بعد کل فلسطینیوں نے شمالی غزہ اور غرب اردن کے درمیان زمینی رابطے کے لیے استعمال کی جانے والی’ایریز‘ راہ داری سے غرب اردن میں پہنچ کر اپنے اسیر اقارب سے ملاقات کی۔
فلسطین نیوز کو موصول ہونے والی اطلاعات کے مطابق فلسطینی شہریوں کی ان کے قیدی عزیز واقارب سے ملاقات کا اہتمام ریڈ کراس کی جانب سے کرایا گیا تھا۔ ریڈ کراس کی ترجمان سھیر زقوت نے بتایا کہ صہیونی انتظامیہ کی طرف سے اجازت حاصل کرنے کے بعد غزہ کے 69 شہریوں نے نفحہ جیل میں اپنے عزیزوں سے ملاقات کی۔ ملاقات کرنے والوں میں سولہ سال سے کم عمر کے 15 بچے شامل تھے جنہوں نے کل 42 اسیران سے ملاقات کی۔
خیال رہے کہ اسرائیلی زندانوں میں پابند سلاسل فلسطینیوں کی تعداد 7000 ہزار سے زائد ہے جن میں غزہ کی پٹی سے تعلق رکھنے والے اسیران کی تعداد 420 ہے۔ ان میں بعض قیدیوں کو طویل المدت قید کی سزاؤں کا سامنا ہے۔