(فلسطین نیوز۔مرکز اطلاعات) فلسطین کے مقبوضہ مغربی کنارے کے جنوبی شہر الخلیل میں اتوار کے روز اسرائیلی فوجیوں نے نہتے فلسطینی بچوں کو پکڑنے کے بعد ان پر وحشیانہ تشدد کیا جس کے نتیجے میں کئی بچے زخمی ہو گئے۔
فلسطین نیوز کو موصول ہونے والی اطلاعات کے مطابق صہیونی فوجیوں نے سڑک پر کھیلتے بچوں پر مرچوں سے ملا پانی پھینکا اور ان پر آنسوگیس کی شیلنگ بھی کی گئی۔عینی شاہدین نے بتایا کہ مشرقی الخلیل میں الکسارہ کےمقام پر اسرائیلی فوجیوں نے دو بچوں 14 سالہ فوزی فائز الزور التمیمی اور اس کی 16 سالہ بہن افراح کو پکڑا اور انہیں بری طرح مارا پیٹا، بچوں کے کپڑے پھاڑ ڈالے اور دونوں بہن بھائی زخمی ہو گئے۔
زخمی بچوں کی والدہ نے بتایا کہ اسرائیلی فوج کی ایک خاتون اہلکارہ نے ان کے معصوم بچوں کو وحشیانہ تشدد کا نشانہ بنایا اور ان کے چہروں پر مرچوں اور کیمیکل سے ملا بدبودار پانی بھی پھینکا۔