(فلسطین نیوز۔مرکز اطلاعات) اسرائیلی حکومت نے فلسطین کے مقبوضہ بیت المقدس میں یہودی آباد کاروں کے لیے مزید 62 مکانات کی تعمیر کی منظوری دے دی ہے۔
فلسطین نیوز کو موصول ہونے والی اطلاعات کے مطابق عبرانی نیوز ویب پورٹل ’’وللا‘‘ نے اپنی رپورٹ میں بتایا ہے کہ بیت المقدس میں اسرائیلی بلدیہ کے ماتحت پلاننگ و تعمیراتی منصوبہ بندی کمیٹی نے القدس میں ’’بزغات زئیو‘‘ یہودی کالونی میں مزید یہودیوں کو بسانے کے لیے 62 مکانات کی تعمیر کی منظوری دی ہے۔رپورٹ میں بتایا گیا ہے کہ بزغات زئیو میں دو بڑے پلازے تعمیر کیے جائیں گے جن میں 62 رہائشی فلیٹس تیار کیے جائیں گے۔
خیال رہے کہ اسرائیلی حکومت کی طرف سے تازہ توسیع پسندی کا منصوبہ ایک ایسے وقت میں منظور کیا ہے کہ دو روز قبل صہیونی ریاست نے مشرقی بیت المقدس میں مزید ہزاروں کی تعداد میں مکانات کی تعمیر کا منصوبہ پیش کیا تھا۔