فلسطین نیوز کو موصول ہونے والی اطلاعات کے مطابق سماجی کارکن اور ‘‘میلوں مسافت کی مسکراہٹ’’ کے عنوان سے غزہ کی پٹی کے لیے امدادی قافلوں کے انچارج ڈاکٹر عصام یوسف نے لندن میں ایک نیوز کانفرنس میں بتایا کہ انہیں توقع ہے کہ وسط ستمبر 2016ء کو اسپین کے شہر بارسلونا سے غزہ کی پٹی کے لیے امدادی سامان کے ساتھ روانہ ہونے والے عالمی امدادی قافلوں ‘زیتونہ’ اور ‘‘امل’’[امید] کے ہمراہ بین الاقوامی مشاہیر، انسانی حقوق کے مندوبین، امن نوبیل انعام یافتہ شخصیات سمیت دو درجن اہم شخصیات غزہ کا دورہ کریں گی۔
عصام یوسف نے بتایا کہ بین الاقوامی امدادی کارکنوں نے غزہ کی پٹی کا محاصرہ توڑںے کے لیے جاری مہم کو ‘‘غزہ کا محاصرہ توڑیے’’ کا عنوان دیا ہے۔ ہم پوری دنیا سے اپیل کرتے ہیں کہ وہ غزہ کے محصورین کے لیے بھیجے جانے والے امدادی قافلوں میں بڑھ چڑھ کر حصہ لیں اور امداد کی فراہمی میں بھی حصہ ڈالیں۔ فلسطینی سماجی کارکن کا کہنا تھا کہ امن نوبل انعام حاصل کرنے والی عالمی شخصیات کا غزہ کا محاصرہ توڑنے والے قافلوں میں شامل ہونا خوش آئند اور فلسطینی قوم کی فتح ہے۔