فلسطین نیوز کو موصول ہونے والی اطلاعات کے مطابق اسرائیلی ذرائع ابلاغ میں آنے والی رپورٹس میں بتایا گیا ہے کہ فوج نے جنوبی الخلیل میں دیوار فاصل کی تعمیر شروع کردی ہے۔ رپورٹ کے مطابق دیوار فاصل کی تعمیر کے لیے کروڑوں شیکل کی رقم مختص کی گئی ہے۔
جنوبی اور جنوب مغربی الخلیل میں دیوار کی تعمیر کے ذریعے تل ابیب کے جنوب میں واقع کریات گات اور لخیش کے علاقوں کو الخلیل سے الگ کرنا ہے۔
سابق اسرائیلی وزیردفاع موشے یعلون نے چھ ماہ قبل یہاں پر اس وقت دیوار کی تعمیر کی منظوری دی تھی جب مبینہ طورپر الخلیل کے رہائشی ایک فلسطینی نے تل امیں داخل ہوکر فائرنگ کرکے چار یہودی ہلاک اور سولہ زخمی کریئے تھے۔
واضح رہے کہ گذشتہ برس اکتوبر کے بعد سے جاری تحریک انتفاضہ القدس کے دوران فلسطینیوں کی انفرادی مزاحمتی کارروائیوں میں 39 صہیونی ہلاک اور 600 زخمی ہوچکے ہیں جب کہ اسرائیلی فوج کی ریاستی دہشت گردی کے نتیجے میں 220 فلسطینی جام شہادت نوش کرچکے ہیں۔