(فلسطین نیوز۔مرکز اطلاعات) فلسطین میں اسلامی تحریک مزاحمت ’’حماس‘‘ کے سیاسی شعبے کے نائب صدر اور سابق وزیراعظم اسماعیل ھنیہ کے دفتر سے جاری ہونے والے ایک بیان میں صراحت کے ساتھ کہا گیا ہے کہ اسماعیل ھنیہ نے سنی مسلک کے عرب اتحاد کی اسرائیل کی طرف سے حمایت کا کوئی تذکرہ نہیں کیا ہے اور نہ ہی انہوں نے اس حوالے سے کوئی بیان دیا ہے۔
فلسطین نیوز کو موصول ہونے والی اطلاعات کے مطابق وضاحتی بیان میں کہا گیا ہے کہ ذرائع ابلاغ نے اسماعیل ھنیہ کے بیان کو توڑ مروڑ کر پیش کیا ہے۔ انہوں نے کہیں بھی ایسی کوئی بات نہیں کی جس سے یہ تاثر ابھرتا ہو کہ انہوں نے شام میں سنی عرب اتحاد کی اسرائیل کی طرف سے حمایت کی بات کی ہو۔
خیال رہے کہ حال ہی میں ذرائع ابلاغ میں یہ اسماعیل ھنیہ کے نام منسوب یہ خبر شائع ہوئی تھی کہ انہوں نے اپنے ایک بیان میں کہا تھا کہ ’’ایسے لگتا ہے کہ اسرائیل سنی عرب اتحاد‘ کا حامی ہے۔
اس کے رد عمل میں جاری ہونے والے بیان میں کہا گیا ہے کہ اسماعیل ھنیہ کے نام منسوب بیان من گھڑت اور افواہیں پھیلانے والے عناصر کی کارستانی ہے۔