(فلسطین نیوز۔مرکز اطلاعات) اسرائیل کے دارالحکومت اور شمالی فلسطین کے شہر تل ابیب میں اسرائیلی پولیس نے ایک فلسطینی شہری کو حراست میں لیا ہے۔ جس پرالزام عائد کیا ہے کہ اس نے ایک فوجی اہلکار پر چاقو سے حملہ کیا، جس کے نتیجے میں فوجی شدید زخمی ہو گیا۔
فلسطین نیوز کو موصول ہونے والی اطلاعات کے مطابق سوموار کی شام ایک فلسطینی نوجوان نے اسرائیلی فوجی اہلکار پر چاقو سے وارکیے، جس کے نتیجے میں وہ زخمی ہو گیا۔ پولیس نے فرار ہوتے فلسطینی حملہ آور کو گرفتار کر لیا ہے جسے تفتیش کے لیے خفیہ مقام پر منتقل کر دیا گیا ہے۔ادھر اسرائیلی پولیس کی جانب سے جاری کردہ ایک دوسرے بیان میں بتایا گیا ہے کہ حملہ آور فلسطینی نوجوان کی عمر 17 سال ہے۔
رپورٹ کے مطابق چاقو سے حملے کا واقعہ قومی نوعیت کے جھگڑے یا ذاتی رنجش کا شاخسانہ بھی ہو سکتا ہے۔
خیال رہے کہ پچھلے برس اکتوبر کے بعد سے فلسطین میں جاری تحریک انتفاضہ کے دوران فلسطینیوں کی انفرادی مزاحمتی کارروائیوں میں 34 صہیونی ہلاک اور 500 سے زائد زخمی ہو چکے ہیں۔