(فلسطین نیوز۔مرکز اطلاعات) فلسطین کے مقبوضہ بیت المقدس کے شمالی قصبے العیساویہ میں قائم صہیونی فوج کے ایک کیمپ پر فلسطینی شہریوں کی جانب سے پھینکے گئے پٹرول بم کے نتیجے میں آگ بھڑک اٹھی جس کے نتیجے میں کم سے کم دو فوجی زخمی ہوگئے۔
مقامی فلسطینی ذرائع نے بتایا کہ شمالی بیت المقدس میں العیساویہ کے مقام پر اسرائیل کی عبرانی یونیورسٹی کے قریب اسرائیلی فوج کے کیمپ میں آگ بھڑک اٹھی تھی جس کے نتیجے میں کم سے کم دو فوجی اہلکار زخمی ہوئے۔فلسطین نیوز کو موصول ہونے والی اطلاعات کے مطابق کیمپ میں لگنے والی آگ نے کئی بیرکوں کو اپنی لپیٹ میں لے لیا ہے۔ آخری اطلاعات تک آگ پر قابو نہیں پایا جاسکتا ہے۔
اسرائیلی پولیس کی جانب سے جاری کردہ ایک بیان میں کہا گیا ہے کہ عبرانی یونیورسٹی کے قریب لگنے والی آگ نے اسرائیلی کے کیمپ کو اپنی لپیٹ میں لے لیا جس کے نتیجے میں متعدد عماریں جل کرخاکستر ہوگئی ہیں اور دو فوجی زخمی ہوئے ہیں۔