رپورٹ کے مطابق جمعرات کو فلسطینی ملیشیا نے مغربی کنارے کے شہروں میں تلاشی اور اساتذہ کی پکڑ دھکڑ کا سلسلہ جاری رکھا۔ اس دوران آٹھ اساتذہ سمیت کم سے کم گیارہ فلسطینیوں کو حراست میں لے لیا گیا ہے۔ متعدد اساتذہ کو سیکیورٹی مراکز میں طلب کیا گیا ہے جن میں ایک طالب رہنما بھی شامل ہیں۔
مقامی فلسطینی ذرائع نے بتایا کہ تازہ گرفتاریوں میں عباس ملیشیا نے آٹھ فلسطینی اساتذہ کو گرفتار کیا ہے ان میں بیت لحم سے مسلم شعلان، اریحا سے احمد موسیٰ براھمہ، قلقیلیہ سے محمود الجابر، نابلس سے بسام الاغبر اور سعود العمر، طولکرم سے جمال صوی، سفلیت سے عزیز فتاش اورالدیک سے عبدالسلام کو حراست میں لے لیا۔
عباس ملیشیا نے تلاشی کی کارروائیوں میں اساتذہ کی حمایت کرنے پر انجینیر غازی کعکانی اور الخلیل سےسابق اسیر امین خلیل الصوص کو حراست میں لے لیا۔ عباس ملیشیا نے ایک سابق اسیر عماد شولی کو بھی اس کے گھر سے اغواء کرنے کے بعد اس کا لیپ ٹاپ بھی قبضے میں لے لیا۔