رپورٹ کے مطابق فلسطینی محکمہ امور اسیران کی جانب سے جاری کردہ ایک بیان میں بتایا گیا ہے کہ القیق کو غشی کے دورے پڑے ہیں، اس کےجسم میں شدید تکلیف ہے جس کے باعث وہ زیادہ ترکومے میں رہتے ہیں۔ حالت مزید بگڑنے کے بعد العفولہ اسپتال کی انتظامیہ نے القیق کے مستقل معائنے اور نگرانی کے لیے ایک ڈاکٹرکی ذمہ داری لگائی ہے۔ بیان میں بتایا گیا ہے کہ بھوک ہڑتالی اسیر کے سینے اور ایک پاؤں میں شدید تکلیف ہے جس کے بعد وہ وقفے وقفے سے درد سے چیخ پکار کررہا ہے۔
ڈاکٹرون نے خبردار کیا ہے کہ اگرالقیق کی حالت بدستور اسی کیفیت میں رہتی ہے تو اس کی زندگی کسی بھی ختم ہوسکتی ہے۔ ڈاکٹروں کا کہناہے کہ القیق کے پٹھوں میں سخت کھچاؤ ہے جس کی وجہ سے اس کے جسم میں بے پناہ تکلیف ہے۔
فلسطینی محکمہ امور اسیران کے چیئرمین القراقع کا کہنا القیق کی زندگی کو شدید خطرات لاحق ہیں۔ انہوں نے عالمی برادری سے القیق کی زندگی بچانے کے لیے اسرائیل پر دباؤ ڈالنے کا مطالبہ کیا۔