رپورٹ کے مطابق القسام بریگیڈ کی آفیشل ویب سائیٹ پر پوسٹ کردہ ایک بیان میں المناک حادثے میں سات مجاھدین کی شہات کی تصدیق کی ہے اور اس واقعے پر گہرے دکھ اور افسوس کا اظہار کیا ہے۔ بیان میں شہید ہونے والے مجاھدین کی شناخت 25 سالہ ثاب الریفی، 23 سالہ جعفر حمادہ، 19 سالہ وسیم حسونہ، 24 سالہ نضال عودہ، 25 سالہ محمود باسل، 25 سالہ غزوان الشوبکی اور 21 سالہ عزالدین قاسم کے ناموں سے کی گئی ہے۔
بیان میں کہا گیا ہے کہ شہید ہونے والے ساتوں شہداء کا تعلق مشرقی غزہ میں التفاح والدرج گروپ سے تھا۔
القسام بریگیڈ نے حادثے کی تفصیلات میں بتایا ہے کہ مجاھدین سنہ 2009 ء میں اسرائیلی فوج کی جنگ کے دوران متاثر ہونے والے ایک زمین دوز مورچے کی مرمت کررہے تھے کہ اچانک زمین بیٹھ جانے سے اس میں کام کرنے والے سات مجاھدین دب گئے۔ جب کہ حادثے میں چار کو بچالیا گیا ہے۔
بیان میں بتایا گیا ہے کہ حادثے کے وقت سرنگ میں گیارہ مجاھدین موجود تھے، پہلے سرنگ کاایک حصہ زمین بوس ہوا جس کے بعد بتدریج اس کے مزید حصے بھی گرتے چلے گئے جس کے نتیجے میں سات کارکن شہید ہوئے ہیں۔
القسام بریگیڈ اور حماس نے شہید ہونے والے کارکنوں کو خراج عقیدت پیش کرتے ہوئے ان کی شہادت کی قبولیت اور پسماندگان کے لیے صبر جمیل کی دعا کی ہے۔ فلسطین کے مذہبی ، سیاسی، عوامی اور ابلاغی حلقوں کی جانب سے بھی حادثے پر گہرے دکھ اور افسوس کا اظہار کرتے ہوئے شہداء کو خراج عقیدت پیش کیا ہے۔