غرب اردن میں فدائی حملے میں دو صہیونی فوجی زخمی، فلسطینی نوجوان شہید

(فلسطین نیوز۔مرکز اطلاعات) فلسطین کے مقبوضہ مغربی کنارے کے شمالی شہر سلفیت میں جمعرات کے روز اسرائیلی فوج کی فائرنگ سے ایک فلسطینی نوجوان شہید ہوگیا۔ قابض فوجیوں نے دعویٰ کیا ہے کہ فلسطینی نوجوان کو اس وقت گولیاں ماری گئیں جب اس نے دو فوجی اہلکاروں کو چاقو کے حملے میں زخمی کیا۔

رپورٹ میں بتایا ہے کہ فلسطینی نوجوان کے حملے میں 24 سالہ ایک مرد فوجی اہلکار اور اس کی ہم عمر ایک خاتون اہلکار زخمی ہوگئی ہیں۔ دونوں کو اسرائیل کے بلنسن اسپتال منتقل کردیا گیا ہے جہاں ان دونوں کی حالت تشویشناک بیان کی جاتی ہے۔

درایں اثناء فلسطینی وزارت صحت نے سلفیت میں ’’ارئیل‘‘ کالونی کے قریب اسرائیلی فوج کی فائرنگ سے ایک فلسطینی نوجوان کی شہادت کی تصدیق کی ہے۔

فلسطینی وزارت صحت کا کہنا ہے کہ فلسطینی نوجوان کی شناخت نہیں ہوسکی ہے تاہم پتا چلا ہے کہ اس کا آبائی تعلق مغربی کنارے کے سلفیت شہر سے ہے۔ اس نے شہادت سے قبل دو اسرئیلی فوجی اہلکاروں کو چاقو کے حملے میں زخمی کردیا تھا۔

خیال رہے کہ یکم اکتوبر کے بعد سے فلسطین میں جاری اسرائیلی فوج کی کارروائیوں میں 132 فلسطینی شہید ہوچکے ہیں۔ –