اسلامی تحریک مزاحمت [حماس] کے مرکزی رہنما ڈاکٹر محمود الزہار نے کہا ہے کہ اقوام متحدہ کے جنرل سیکرٹری بین کی مون کے غزہ میں سرنگوں سے متعلق بیان دوہرے معیار اور سیاسی منافقت کا منہ بولتا ثبوت ہے
مرکز اطلاعات فلسطین کو ارسال کردہ مختصر بیان میں ڈاکٹر محمود الزہار کا کہنا تھا کہ قابض صہیونی ریاست کے اسلحہ گودام اور ایٹمی ری ایکٹر ان سرنگوں سے کئی گنا خطرناک ہیں جن کا ذکر عالمی ادارے کے سربراہ نے اپنے حالیہ دورہ غزہ کے موقع پر کیا ہے۔
یاد رہے کہ بین کی مون نے غزہ میں زیر زمین سرنگوں کے دورہ کے موقع پر اظہار خیال کرتے ہوئے کہا تھا کہ "میں نے اسرائیلی شہروں پر حماس کے زمینی سرنگوں اور فضاء سے میزائل حملوں کی مذمت کی تھی۔”
ان کا کہنا تھا کہ دنیا کا کوئی بھی شخص دھمکی آمیز ماحول اور ایسی سرنگوں کے خوف میں زندگی نہیں گزار سکتا۔
بشکریہ:مرکزاطلاعات فلسطین